بھارت کی جانب سے یاسین ملک کو عمر قید کی سزا، شاہد آفریدی کا بیان بھی سامنے آگیا

پاکستان کرکٹ ٹیم کے سابق کپتان شاہد آفریدی کا کشمیری حریت رہنما یاسین ملک کو بھارتی عدالت کی جانب سے عمر قید کی سزا سنانے پر بیان سامنے آگیا ہے۔

شاہد آفریدی نے ٹوئٹر پر بیان جاری کرتے ہوئے کہا کہ' بھارت کی انسانی حقوق کی خلاف ورزیوں کے خلاف آواز اٹھانے والوں کو خاموش کرنے کی مسلسل کوششیں بیکار ہیں، یاسین ملک کے خلاف من گھڑت الزامات کشمیر کی جدوجہد آزادی کو نہیں روکیں گے'۔

انہوں نے مزید کہا کہ 'میں اقوام متحدہ سے کشمیری رہنماؤں کے خلاف غیر منصفانہ اور غیر قانونی ٹرائل کا نوٹس لینے کی اپیل کرتا ہوں'۔

واضح رہے کہ بھارتی عدالت نےکشمیری حریت رہنما یاسین ملک کو 19مئی کو دہشتگردی کی فنڈنگ کے جھوٹے مقدمے میں مجرم قرار دیا تھا۔

تاہم بدھ کے روز یاسین ملک کو بھارتی عدالت نے 2 بار عمر قید کی سزا سنائی جب کہ ان پر 10 لاکھ بھارتی روپے کا جرمانہ بھی کیا گیا۔

یاسین ملک کی سزا کیخلاف بھارتی ناظم الامورکی دفترخارجہ طلبی، پاکستان کا شدید احتجاج

پاکستان نے مطالبہ کیا ہے کہ بھارت یاسین ملک کی خیریت یقینی بنائے اور قید سے فوری رہائی کا بندوبست کرے، دفتر خارجہ

کشمیری حریت رہنما یاسین ملک کو بھارتی عدالت نے عمر قید کی سزا سنادی

بھارتی عدالت نے یاسین ملک کو 19مئی کو دہشتگردی کی فنڈنگ کے جھوٹے مقدمے میں مجرم قرار دیا تھا