سمندری طوفان کا خطرہ، کراچی سے بل بورڈز ہٹانے کی ہدایت

وزیراعلیٰ سندھ مراد علی شاہ نے طوفانی ہواؤں  کے پیش نظر کراچی کے ایڈمنسٹریٹرکو شہر بھر سے بل بورڈز ہٹانے کی ہدایت کر دی۔

17مئی سےمتوقع طوفانی بارشوں کے پیش نظر ریڈ الرٹ جاری

حیدرآباد اور تھر پارکر میں متوقع سمندری طوفان کے پیش نظرالرٹ جاری کردیا گیا ہے اور کنٹرول روم قائم کردیا گیا ہے

وزیراعلیٰ سندھ نے ممکنہ طوفان کے پیش نظر  ایمرجنسی پلان ٹیم بنانے کے احکامات جاری کردیے ہیں، صوبائی وزراء ناصر شاہ اور فراز ڈیرو کراچی میں رہیں گے۔

وزیراعلیٰ سندھ نے سمندری طوفان سے متعلق انتظامی اجلاس میں کہا کہ نالوں کےچوکنگ پوائنٹس کلیئر کیے جائیں، سمندری طوفان بھارتی گجرات سے ٹکراتا ہے تو تھر میں شدیدبارشیں ہوں گی، ڈپٹی کمشنر  تھر ضروری اقدامات کرلیں۔