امریکی کانگریس کے مشترکہ اجلاس میں کملا ہیرس اور نینسی پیلوسی نے تاریخ رقم کردی

امریکا کی نائب صدر کملا ہیرس اور ایوانِ نمائندگان کی اسپیکر نینسی پیلوسی نے کانگریس کے مشترکہ اجلاس کی صدارت کرکے امریکا کی 250 سالہ سیاست میں نئی تاریخ رقم کر دی ۔

صدر جو بائیڈن نے بدھ کی شب کانگریس کے مشترکہ اجلاس سے اپنا پہلا خطاب کیا تو اس موقع پر ان کی پشت پر موجود نشستوں پر پیلوسی اور کملا ہیرس براجمان تھیں ۔

امریکی تاریخ میں یہ پہلا موقع تھا کہ جب صدارتی خطاب کے دوران 2 خواتین ایک ساتھ کانگریس کے مشترکہ اجلاس کی صدارت کر رہی تھیں۔

واضح رہے کہ  کملا ہیرس بحیثیت نائب صدر امریکی سینیٹ کی سربراہ  بھی ہیں جب کہ نینسی پیلوسی ایوانِ نمائندگان کی اسپیکر ہیں۔

اس حوالے سے ایک  انٹرویو میں  نینسی پیلوسی کا کہنا تھا کہ یہ بہت پرمسرت موقع ہے، یہ نئی تاریخ بننے جا رہی ہے۔