’جو آیا ہے وہ جائے گا‘، انڈونیشیا میں ڈوبنے والی آبدوز کے عملے کی ویڈیو سامنے آگئی

انڈونیشیا میں ڈوب جانے والی بدقسمت آبدوز کے عملے کی دل پگھلانے والی ویڈیو سامنے آگئی۔

گزشتہ دنوں انڈونیشیا کی آبدوز فوجی مشقوں کے دوران لاپتا ہوئی تھی جو کہ کچھ دن بعد سمندرکی تہہ سے 3 ٹکڑوں میں ملی تھی۔

انڈونیشیا کی لاپتا آبدوز سمندر کی تہہ سے 3 ٹکڑوں میں مل گئی

انڈونیشین حکام نے آبدوز میں موجود عملے کے تمام 53 افراد کی ہلاکت کی تصدیق کر دی

آبدوز میں عملے کے تمام 53 افراد ہلاک ہوئے تاہم اب انڈونیشیا کی بحری فوج نے عملے کی ویڈیو ریلیز کی ہے جس نے سب کو ہلا کر رکھ دیا ہے۔

ویڈیو میں دیکھا جاسکتا ہے کہ عملے کے ارکان گیت گنگنا رہے ہیں کہ ’جو آیا ہے وہ جائے گا ، ہر آغاز کا اختتام ہے لیکن یہ سچ ہے کہ میں ابھی بچھڑنا نہیں چاہتا‘۔

عملے نے حادثے سے کچھ ہفتے قبل یہ گیت گنگنایا تھا اور ویڈیو نے 53 اہلکاروں کی موت کا زخم ہرا کردیا۔