شوبز انڈسٹری سے تعلق رکھنے والی کئی اداکاراؤں نے شادی کے بعد انڈسٹری کو خیرباد کہہ دیا اور چند اداکاراؤں نے خاموشی سے ہی کنارہ کشی اختیار کرلی۔
اداکارہ صنم بلوچ سوشل میڈیا پر زیادہ متحرک نظر نہیں آتیں اور یہ ہی وجہ ہے کہ صارفین ان سے متعلق خبریں نہیں جان پاتے۔
اطلاعات کے مطابق صنم بھی شادی کے بعد بیرون ملک مقیم تھیں تاہم حال ہی میں وائرل ہونے والی ویڈیو نے ان کے مداحوں کو خوشی کی نوید سنائی ہے۔
منشا پاشا کی جانب سے انسٹاگرام اکاؤنٹ پر ورزش کی ویڈیو شیئر کی گئی جس میں ان سمیت صنم بلوچ اور اداکارہ اریبہ حبیب دکھائی دے رہی ہیں۔
ویڈیو کو دیکھ کر صنم کے مداح کافی خوش دکھائی دیے اور انہیں امید ہےکہ شاید وہ جلد ہی اداکارہ کو دوبارہ اسکرین پر دیکھ سکیں گے۔
اس کے علاوہ منشا پاشا نے اسٹوری بھی شیئر کی جس میں تینوں اداکارائیں آپس میں بغل گیر ہیں۔